Դեռ չգիտե՞ք՝ ինչ է Squid Game-ը․ ուշագրավ փաստեր ձեզ համար․

• Սա Netflix-ի հերթական սերիալներից է, որը հանդիսատեսի դատին է հանձնվել 2021-ի սեպտեմբերի 17-ին։ Սյուժեի հիմքում համառ պայքարով գոյատևման խաղ է 40 մլն դոլարանոց մրցանակի համար։
• Թողարկումից ընդամենը մեկ ամիս անց շոուն դարձել է Netflix-ի՝ բոլոր ժամանակների ամենահայտնի պրոդուկտը․ այն դիտել են 142 միլիոն անձնական հաշիվներից (հաշվի չառած անօրինական կայքերի դիտումները)։
• Սերիալը ճանաչվել է աշխարհում ամենապահանջվածը․ դրա հանդեպ հետաքրքրությունը 79 անգամ գերազանցել է միջին ցուցանիշները։

Պետք է նշել, որ նման ցուցանիշների Squid Game-ը հասել է առանց գովազդվելու ԱՄՆ-ում և մի շարք այլ երկրներում․ վճարովի գովազդին փոխարինել է այսպես կոչված սարաֆանային մարքեթինգը։ Աճը օրգանական կերպով է տեղի ունեցել, իսկ ինֆորմացիան՝ տարածվել ակնթարթորեն։ Twitter-ի մեմերի, Facebook-ի քննարկումների ու TikTok-ի չելենջների շնորհիվ սերիալի հետևորդների թիվն աճում էր և շարունակում է աճել ամեն օր։

Այստեղ աշխատել է նաև FOMO էֆեկտը՝ ինչ-որ բան բաց թողնելու վախը․ մարդիկ ուզում են լինել "թեմայի մեջ" և հասկանալ կոնտեքստը, որի մասին բոլորն են խոսում։

Սերիալի առաջխաղացման գլխավոր խթանը եղել է TikTok-ը։ #squidgame հեշթեգը այժմ ունի ավելի քան 44 մլրդ դիտում։ Մի քանի միլիարդ դիտում էլ ապահովում են թեմատիկ այլ հեշթեգներ՝ #dalgona, #dalgonacandy և այլն (սերիաներից մեկում խաղի մասնակիցները պետք է տարբեր պատկերներ ստանային կորեական հայտնի դալգոնա թխվածքաբլիթից)։

Squid Game-ի ֆենոմենը այսպես կոչված Իրավիճակային մարքեթինգի վառ օրինակ է։

Իրավիճակային մարքեթինգն առհասարակ բրենդի առաջխաղացման միջոց է որոշակի թիրախային լսարանի համար ակտուալ առիթով, արագ արձագանքումը հասարակական, քաղաքական կամ տնտեսական կյանքում տեղի ունեցող ուշագրավ իրադարձություններին։ Դրանք կարող են լինել ինչպես գլոբալ փոփոխություններ, սենսացիաներ, նորություններ, այնպես էլ լոկալ իրավիճակներ ավելի փոքր մասշտաբներով։

Ինչպե՞ս ճիշտ կիրառել իրավիճակային մարքեթինգը

Ստրատեգիայում ինֆորմացիայի "ներդրման" ժամանակ շատ կարևոր նախապայմաններ են կրեատիվությունն ու հումորը։ Ամենակարևորը ակտուալ իրադարձության շնորհիվ սպառողի ուշադրությունը գրավելն է։ Եթե տվյալ թեման մեծ ալիք է ստեղծել, պետք է իրական ջանքեր գործադրել մրցակիցներից առանձնանալու համար, ինչը կապահովի լսարանի ուշադրության և վաճառքների երաշխավորված ակնթարթային աճ։

Արագ արձագանքումն է նպաստում ուշադրության գրավմանը։ Սպառողները հաճախ են ակնթարթային որոշումներ կայացնում, ուստի շատ կարևոր է հետևել թրենդներին և խփել ուղիղ նշանակետին։ Պետք է միշտ գործել ճիշտ տեղում և ճիշտ ժամանակին։

Ստորև կներկայացնենք իրավիճակային մարքեթինգի մի քանի վառ օրինակ, որոնք կապված են Squid Game-ի հետ։

Սոցիալական ցանցերում Squid Game-ին անդրադարձից զերծ չմնաց նաև BSMI-ը՝ հրապարակելով այս նկարը և ընդգծելով մեր դպրոցի ապահոված որակի գերիշխող դիրքը շուկայում:

Իսկ մեր անդրադարձին իր հերթին անդրադարձավ SSB թիմը՝ հավանաբար մինչև վերջ սերիալը չդիտելով և ամբողջովին չըմբռնելով մեր մեսիջը, որը վերաբերում էր կոնկրետ կադրին:) SSB-ն, կարծելով, թե մենք մեզ վերագրել ենք 218-ի կերպարը, իր հրապարակման մեջ վերջինիս ներկայացնում է որպես "իրականում ամենից ՁԱԽՈՂԱԿ և «չար» կերպար, որը վերջում ինքնաոչնչանում է"։

Այնուամենայնիվ անգամ կերպարին անդրադառնալու դեպքում կարող ենք փաստել, որ 218-ը բավականին նման է BSMI-ին. ամենախելացին է, առաջ է գնում ու իր հետ առաջ տանում մյուսներին (ինչպես և մենք առաջ ենք տանում ոլորտը), իսկ իր կյանքը մոտենում է ավարտին միայն այն ժամանակ, երբ հենց ինքն է կայացնում նման որոշում՝ առանց որևէ գործոնի ազդեցության ենթարկվելու և հանուն ուրիշների, ովքեր չէին գոյատևի իր մնալու պարագայում:

Որպես լրացում ներկայացնենք իրավիճակային մարքեթինգի մեկ այլ օրինակ․ 2021-ի կարևորագույն իրադարձություններից էր նաև EURO 2020-ը, որի մամուլի ասուլիսներից մեկի ժամանակ Կրիշտիանու Ռոնալդուն ցուցադրաբար հեռացրեց Coca Cola-ի շիշը և փոխարինեց այն սովորական ջրով։ Աշխարհահռչակ բրենդ IKEA-ն, բաց չթողնելով համացանցում մեծ տարածում ստացած իրադարձությունը, անմիջապես թողարկեց բազմանգամյա օգտագործման ջրի շշեր՝ “CRISTIANO” անվամբ։

Ամփոփելով կարող ենք հավաստիացնել, որ իրավիճակային մարքեթինգն իսկապես աշխատում է։ Դա ստեղծարարություն արտահայտելու առիթ է սեփական բրենդի հանդեպ հավելյալ ուշադրություն գրավելու համար։ Պետք չէ մոռանալ, որ դա թեև կարճաժամկետ ակցիա է, այնուամենայնիվ կարող է երկարաժամկետ «պտուղներ» ապահովել։ Իրավիճակային մարքեթինգը կարելի է օգտագործել որպես լրացում մարքեթինգային ամբողջական ստրատեգիային։