• Մեր մասին
    • Պատմություն
    • Թիմ
  • Դասընթացներ
  • Կարծիքներ
  • Օգտակար
    • Բլոգ
    • Պոդկաստ
    • FAQ
    • Գրադարան
    • Կոնֆերանս սրահ
  • Կապ
BSMI
  • Մեր մասին
    • Պատմություն
    • Թիմ
  • Դասընթացներ
  • Բլոգ
  • Գրադարան
  • Կոնֆերանս սրահ
  • FAQ
  • Կապ
Պոդկաստները՝ որպես գովազդային ալիք

Պոդկաստները՝ որպես գովազդային ալիք

Գրեթե բոլորիս առավոտը սկսվում է նույն կերպ. արթնանում ենք, անջատում զարթուցիչը, արագ ստուգում սոցիալական ցանցերը և անցնում մեր առօրյա գործերին: Իսկ դա նշանակում է, որ մեր սպառողների մեծամասնության օրը ևս սկսվում է այսպես: Եվ հարց է առաջանում՝ ինչպե՞ս «որսալ» միշտ զբաղված սպառողին և նրան հասցնել անհրաժեշտ ինֆորմացիան:

Այ էստեղ օգնելու են գալիս պոդկաստները, որոնք կարող են «սպառվել» անգամ մեքենա վարելիս: 

Ինչպե՞ս և ինչու՞. կպատմենք հերթով:

 

Պոդկաստները մեծ տարածում ունեն

Վերջին ժամանակներում կոնտենտի այս տեսակը միանգամից տարածում գտավ սպառողների շրջանակներում. մարդիկ պատրաստակամ են լսել, ուստի պետք է նրանց «լսելիք» մատուցել: Ի դեպ, հետազոտությունները ցույց են տվել, որ այս եղանակով ինֆորմացիայի սպառումը ավելի մեծ տարածում ունի ավելի երիտասարդ սպառողների շրջանակներում (Millennials, Generation Z):

 

Օգնում են մեծացնել հոսքը դեպի վեբկայք

Ինքներդ ձեզ հարցրեք՝ ինչ կարող եք առաջարկել ձեր սպառողներին, ինչը չեն կարող անել ձեր մրցակիցները: Տարիների փորձի վրա հիմնված օգտակար և ուսուցողական տեղեկությունները հենց այն են, ինչ օգտատերը, ընտրելով ձեզ, չի գտնի ուրիշ ոչ մի տեղ: 

Ընդգծելով ձեր տված ինֆորմացիայի իրական արժեքը՝ յուրաքանչյուր պոդկաստով ունկնդրին ամեն անգամ վերադառնալու պատճառ կտաք: Բացի այդ դուք նրանց կստիպեք նաև այցելել ձեր կայք՝ տեսնելու նորությունները և լրացնելու բաց թողածը:

 

podcasts

 

Դրականորեն են ազդում բրենդի ճանաչելիության վրա

Տարածելով կոնտենտը գովազդային ամենատարբեր ալիքներով՝ դուք մեծացնում եք brand awareness-ը. որքան շատ են օգտատերները տեսնում/լսում ձեր բրենդի անունը, այնքան ավելի մեծ է հավանականությունը, որ նրանք կհիշեն ձեզ և ամեն ձայնագրություն լսելուց հետո կվերադառնան նոր նյութերի ետևից:

 

Թարմություն են հաղորդում կոնտենտին

Միատեսակ կոնտենտն անընդհատ տեսնելը շատ շուտ ձանձրացնում է, իսկ պոդկաստները թարմություն ու նորություն են բերում ձեր լսարանին: Բացի այդ, լսելով բրենդի ձայնը՝ լսարանն ավելի է «մտերմանում», կապվում վերջինիս: Եվ որպես արդյունք՝ մեծանում է նաև սպառողների լոյալությունը բրենդի հանդեպ: 

Ուստի խորհուրդ է տրվում ինֆորմացիան բաժանել մի քանի պոդկաստների միջև և մաս-մաս ներկայացնել լսարանին, ինչը կստիպի միշտ վերադառնալ՝ շարունակությունը լսելու:

 

Օպտիմալացնում են բրենդի դիրքը որոնողական համակարգերում

Պոդկաստները ևս որոնելի են: Եթե կարողանաք ստեղծել հետաքրքիր և գրավիչ կոնտենտ, որը կգրավի լսարանին, վերջինիս ներգրավվածությունը ձեր SEO-ի վրա միայն դրական ազդեցություն կունենա: 

Որոնողական համակարգերը ձեր պոդկաստները լսելու վրա օգտատերերի ծախսած ժամանակը հիմք են ընդունում՝ համարելու կոնտենտը արժեքավոր և արժանի ներկայացնելու ավելի ու ավելի շատ օգտատերերի՝ բարելավելով կայքի դիրքը որոնման արդյունքների էջում:

Ուստի պոդկաստ-մարքեթինգը կարող է և պետք է լինի բրենդի SEO-ռազմավարության մի մասը:

 

podcasts

 

Սակայն պետք է նշել նաև, որ պոդկաստներ ստեղծելն այնքան էլ հեշտ չէ.

Նախ որակյալ կոնտենտ ստեղծելու համար անհրաժեշտ է որակյալ տեխնիկա, իսկ դա ներդրումներ է պահանջում, ինչը փոքր կազմակերպությունների համար կարող է դժվարություններ ստեղծել: Բացի ֆինանսական և տեխնիկական ռեսուրսներից՝ պահանջվում է նաև ժամանակ. մտքերի գեներացում, լսարանին դրա համապատասխանության գնահատում, հյուրերի հետ բանակցությունների վարում, ձայնագրություն, մշակում, հրապարակում և առաջխաղացում:

 

Պոդկաստների թերի կողմերից է նաև այն, որ այս դեպքում սպառողի կողմից CTA-ին արձագանքելու ցուցանիշն ավելի ցածր է. օրինակ մեքենայում պոդկաստ լսելիս ունկնդիրը չի կարող կոճակ սեղմել կամ այցելել ձեր էջ: Փոխարենը մատուցված կոնտենտն այնքան հիշարժան և գրավիչ պետք է լինի, որ լսողն ինքը մտապահի և վերադառնա ձեզ մոտ:

 

Դե ինչ, մաղթում ենք նոր գաղափարներ, թարմ կոնտենտ, բարձր ցուցանիշներ և լսարանի մեծ ներգրավվածություն: 

13.04.2022

Load More

BACK TO NEWS

BSMI
  • Պատմություն
  • Թիմ
  • Դասընթացներ
  • Կարծիքներ
  • Բլոգ
  • Պոդկաստ
  • FAQ
  • Գրադարան
  • Կոնֆերանս սրահ
  • Կապ
  • FAQ
  • Կոնֆերանս սրահ
  • Կապ
  • Գաղտնիության քաղաքականություն
3396-1591027285143.png
16575-image2022-03-1217-55-33.png

IDBank ՀՀ՝ 11815012345300

"ԲԻ ԷՍ ԷՄ ԱՅ" ՍՊԸ

Հետևեք մեզ սոց. ցանցերում

+374 44 144 904 (Whatsapp, Viber)
[email protected]
ք. Երևան, Եկմալյան 1/1

Ուշադրություն: BSMI դպրոցի յուրաքանչյուր դասընթաց մեկնարկում է միայն մեկ անգամ:

Ցանկացած հաջորդ մեկնարկի ժամանակ  ծրագիրը գրեթե ամբողջությամբ թարմացվում է:

BSMI © 2022. Բոլոր իրավունքները պաշտպանված են.